Այս տարվա հուլիսին Արեկը մեկնել է Վանաձոր՝ Երևանից մոտ 2 ժամ հյուսիս գտնվող քաղաք, որպեսզի անձամբ բաշխի 8100 դոլարը Արցախից տեղահանված և Վանաձորում հաստատված ընտանիքներին։ Արեկը և կամավորների փոքր խումբը հանդիպել են 25 ընտանիքների հետ, որոնցից յուրաքանչյուրը ստացել է 300 դոլար։ Յուրաքանչյուր ընտանիքի ժամանակ է տրամադրվել՝ իրենց անձնական պատմությունների և դժվարությունների մասին պատմելու համար։  Յուրաքանչյուր իրավիճակ յուրովի էր, սակայն դժվարություններն ու ցավը՝ համատարած։ Ընտանիքներ, որոնք ստիպված եղան լքել հայրենիքը՝ թողնելով ողջ կյանքի ընթացքում կառուցածը, հաճախ՝ սուղ ժամանակի և տարածքի պայմաններում, երբ հաջողակները կարողացան իրենց ողջ կյանքը տեղավորել փոքրիկ մեքենայի մեջ։ Ոմանք ապրում էին հողի վրա, մշակում էին այգիներ ու դաշտեր, որոնց վրա տարիներ էին ծախսել, իսկ այժմ ստիպված են ապրել քանդված, անմխիթար շենքի մի փոքրիկ բնակարանում։ Մյուսները ստիպված են եղել լքել իրենց բիզնեսները։ Ոմանք նույնիսկ մասնագետներ էին, որոնք թողել էին իրենց դիպլոմները և այժմ ստիպված են աշխատել որպես անորակ բանվորներ՝ միայն հացի խնդիրը լուծելու համար։ Ամենացավալին այն մարդկանց պատմություններն էին, որոնք պատերազմի կամ գազի պայթյունի հետևանքով կորցրել էին ընտանիքի բազմաթիվ անդամների։ Նրանք այնքան էին վշտացած, որ միայն կարողանում էին ասել. «Ես չեմ կարող կիսվել իմ պատմությամբ»։ 

Մենք գիտենք, որ 300 դոլարը ժամանակավորապես կօգնի յուրաքանչյուր ընտանիքին, սակայն տեղահանված ընտանիքների հետ հանդիպումից ավելի մեծ տեսլական ծնվեց։ Թեև իրավիճակը ծանր է թվում, ակնհայտ է, որ հստակ ծրագրի առկայության դեպքում մենք կարող ենք շարունակել երկարաժամկետ փոփոխություններ կատարել՝ յուրաքանչյուր ընտանիքի համար առանձին։ Այժմ, երբ «Cars & Coffee for Artsakh» թիմը հանդիպել է Վանաձորում հաստատված 25 տեղահանված ընտանիքներից յուրաքանչյուրին, մենք պարտավորվում ենք շարունակել օգնել նրանց, որպեսզի նրանք ապագայի հանդեպ հույս ունենան։

Մենք անմիջապես սկսեցինք իրականացնել Վանաձորի ծրագրի 2-րդ փուլը։  Վալենտինան՝ 17-ամյա մի շատ հասուն երիտասարդ կին, եկել էր մեզ հետ հանդիպելու որպես իր ընտանիքի ներկայացուցիչ։  Նրա հայրը Արցախում զինվոր էր և վիրավորվելուց հետո կորցրել էր ոտքը։ Մայրը, որ մասնագիտությամբ բուժքույր էր, չուներ իր դիպլոմը և աշխատանք էր փնտրում հաց թխելու համար՝ Վալենտինային և երկու կրտսեր քույրերին պահելու նպատակով։ Վալենտինան նոր էր ավարտել ավագ դպրոցը և երազում էր սովորել ու դառնալ կոսմետոլոգ։  Նա փորձում էր հասկանալ, թե ինչպես աշխատել և հավաքել վերապատրաստման համար անհրաժեշտ 600 դոլարը։ Նրա համար դա անհնարին թվացող խնդիր էր։ Վանաձորում այդ գումարը կարող է ծածկել ընտանիքի 2-3 ամսվա վարձավճարը։  Բարեբախտաբար, 300-ական դոլար պարունակող 25 ծրարները բաշխելուց հետո մնացել էր ճիշտ 600 դոլար։ Մենք Վանաձորի եկեղեցու հրաշալի սոցիալական աշխատող Հռիփսիմեի և նվիրված կամավոր Արևիկի հետ համատեղ աշխատեցինք՝ Վալենտինայի համար կոսմետոլոգիայի պատշաճ վերապատրաստում ապահովելու նպատակով։ Սակայն, ուսման վարձը վճարելուց բացի, մենք Վալենտինայի համար իրականացնում ենք մենթորական ծրագիր՝ ապահովելու, որ նա ստանա «Cars & Coffee for Artsakh» թիմի մշտական աջակցությունն ու ուղղորդումը։ Մենք օգնում ենք Վալենտինային պլանավորել իր ապագան՝ ոչ միայն աշխատելու և ընտանիքը կերակրելու, այլև իր ընտրած ոլորտում հաջողության հասնելու և ապագայի մասին «մեծ երազանքներ» ունենալու համար։ Մենք նաև օգնում ենք նրա մորը՝ Հայաստանում բուժքույր աշխատելու համար անհրաժեշտ որակավորումներ ձեռք բերելու հարցում։ 

Մեր նոր վանաձորյան ծրագիրը՝ «Vibrantz in Vanadzor»-ը, որը սնվում է «Cars & Coffee for Artsakh»-ի հավաքած միջոցներով, հաջող մեկնարկ է ունեցել։ Սակայն անելիքները դեռ շատ են։ Մենք պետք է շարունակենք մեր աշխատանքը՝ տեղահանված մեր հայ քույրերի և եղբայրների սրտերում ցավը հույսով փոխարինելու համար։ 

Շնորհակալություն բոլոր նրանց, ովքեր 2023 թվականին աջակցել են «Cars & Coffee for Artsakh»-ին։ Ձեր առատաձեռնությունը օգնեց փոխել շատերի կյանքը։ Հուսով ենք՝ կտեսնվենք 2024 թվականի դեկտեմբերի 15-ին կայանալիք հաջորդ «Cars & Coffee» միջոցառմանը։  Խնդրում ենք օգնել մեզ տարածել այս ուղերձը, որպեսզի կարողանանք կրկին զգալի միջոցներ հավաքել։  Այս անգամ մենք հստակ ծրագիր կունենանք հավաքագրված յուրաքանչյուր դոլարի համար։ Միասին մենք իսկապես կարող ենք իրականացնել «Vibrantz»-ը Վանաձորում։