Օլիմպիական մասշտաբի սկանդալներ

Հայկական ուղղափառությունն այսօր. Օլիմպիական մասշտաբի սկանդալներ

Երբ լավագույններից լավագույնները հավաքվում են Օլիմպիական խաղերին, Դուք ակնկալում եք համառ պայքար և մարզական ոգի։ Սա էր և մնում է Օլիմպիական խաղերի նպատակը։ Երկրներն ու նրանց ժողովուրդները, որոնք այլ պարագայում չէին հանդիպի, միավորվում են առողջ մրցակցության մեջ՝ փորձելով համերաշխ գոյակցել մարզադաշտերում, լողավազաններում և ասպարեզներում։

Հակասություններն ու սկանդալները մարզական իրադարձությունների անբաժանելի մասն են։ Դրանք սովորաբար կապված են խաբեության հետ՝ լինի դա մկանների արհեստական խթանում դեղամիջոցների միջոցով, մրցավարին կաշառելը կամ միավորները կեղծելը։ Մարդիկ միշտ ուշադրությամբ հետևում են նմանատիպ սկանդալներին։

Սակայն լինում են սկանդալներ, որոնք մարդկանց անակնկալի են բերում։ Օրինակ՝ Օլիմպիական խաղերը սպորտի մասին են, բայց սկանդալը ծագում է բացման արարողության ժամանակ։ Այս տեսակի դեպքերն էլ ավելի են սրվում, երբ դրանք կրոնական երանգ են ստանում։ Հետաքրքիր է, որ Աստծուն պաշտպանելու մոլուցքը մեծ է, և այդպես էլ հնչում է փաստարկը, թե Աստված ամենակարող է, եթե Նրան պաշտպանելու համար կարիք ունի Իր իսկ ստեղծած աննշան արարածների։

Ես կարդացի և տեսա սոցիալական ցանցերում տարածված արձագանքները, որ բացման արարողության ժամանակ կենդանի պատկերումը վիրավորական է եղել կրոնական համայնքի համար, քանի որ այն համարվել է Քրիստոսին ծաղրող։ Եվ հնչեց «Հայհոյանք» բացականչությունը։ Մինչ ես լսում էի այդ լուրը, կարդում էի պաղեստինցիներով լեցուն ճամբարներում սովի մատնված անմեղ երեխաների սպանության մասին։ Ես լսում և կրկին լսում եմ վրեժխնդրության արդյունքում անխնա սպանված հազարավոր մարդկանց մասին պատմություններ։ Ես դիտում եմ, թե ինչպես են հռետորաբանությունը օգտագործում անմարդկային բռնությունը արդարացնելու համար։ Ես լսում եմ խաղաղության կոչերը, մինչդեռ մենք բոլորս գիտենք, որ սպանությունը ծնում է սպանություն, և այսօրվա սպանությունները նոր սպիներ են թողել, որոնք կմնան գալիք սերունդներին։

Ավելի հեշտ է պայքարել Աստծո համար, քան խթանել խաղաղությունը, որը սկսվում է ըմբռնումից և լրացվում է ողորմությամբ։ Կյանքի պղծումից ավելի մեծ սկանդալ չկա։ Դա վերջնական հայհոյանք է։ Լսեք մեր Տիրոջ խոսքերը. «Ողորմություն եմ կամենում և ոչ զոհ»։ (Ովսե 6:6, Մատթեոս 9:13)

Հայ եկեղեցու Ժամագրքից. Խաղաղություն և կյանք, Տեր և Փրկիչ, տուր մեզ Քո խաղաղությունը, որպեսզի այն գտնելով՝ խուսափենք աշխարհիկ բոլոր խռովություններից և դառնանք Քո շնորհի տաճարն ու բնակավայրը։ Ամեն։