Աստված մեզ հետ է

Արմոդոքսիան այսօր. Քանզի Աստված մեզ հետ է

Այսօրվա պատգամը մեզ է հղում Տեր Հովնան արքեպիսկոպոս Տերտերյանը։

Մեծ պահքը վերափոխման ուղի է։ Այն վերադարձ է առ Աստված, հոգու բժշկություն և պատրաստություն՝ հարուցյալ Քրիստոսին ընդառաջելու։ Այն հավատացյալներին հրավիրում է ապաշխարությունից՝ նորոգման, պայքարից՝ հարության, և մահից՝ կյանքի։ Մեծ պահքը սկսվում է անկեղծ ինքնաքննությամբ, որը յուրաքանչյուրս կարող ենք կատարել մեր առօրյա կյանքի լուռ պահերին՝ տանը, աշխատավայրում և ընտանիքի գրկում։ Աղոթքի միջոցով Աստված մեզ շնորհում է քաջություն և իմաստություն՝ մաքրելու մեր հոգին ու միտքը՝ մեր սիրտը դարձնելով Նրա համար արժանի բնակավայր։

«Քանզի Աստված մեզ հետ է»։

Ամեն առավոտ ես կրկնում եմ այս խոսքերը՝ որպես իմ սրտի աղոթք։ Դրանք հիշեցնում են ինձ, որ Աստված քայլում է մեզ հետ կյանքի յուրաքանչյուր հասարակ ու արտասովոր պահին։ Ես շնորհակալ եմ Նրան իմ մտքերն ու քայլերը առաջնորդելու, դեպի մաքուր և իմաստալից կյանք ձգտելուն օգնելու համար։

Միայն Աստծո մեջ ենք գտնում ճշմարիտ խաղաղություն և նպատակ։ Երբ ապրում ենք Նրա ներկայության գիտակցումով, մենք պարուրվում ենք Նրա սիրառատ հոգատարությամբ, և մեր սրտերը լցվում են մի ուրախությամբ, որը բառերով հնարավոր չէ լիարժեք արտահայտել։

«Քանզի Աստված մեզ հետ է»։

Վաղը ընտրեք մեկ պահ՝ առավոտյան, կեսօրին կամ երեկոյան, որպեսզի լռության մեջ կրկնեք «Քանզի Աստված մեզ հետ է» խոսքերը և թույլ տաք, որ դրանք կենտրոնացնեն Ձեր մտքերը՝ առաջնորդելով Ձեզ խաղաղությամբ և նպատակասլաց ապրելու ողջ օրվա ընթացքում։

Տեր Հովնան արքեպիսկոպոս Տերտերյանի 2026 թվականի Մեծ պահքի խորհրդածություններից։ Արքեպիսկոպոս Հովնանը ծառայում է որպես Հյուսիսային Ամերիկայի Հայոց Արևմտյան թեմի առաջնորդ։