Թող լինի, Մարիա՛մ

Արմոդոքսի՝ այսօրվա համար. Թող լինի, Մարիամ

Երբ լեգենդար «Բիթլզ» ռոք խումբը ձայնագրեց «Let it Be» երգը, Փոլ Մաքքարթնիի ձայնը շատ նուրբ երանգ հաղորդեց դաշնամուրի հնչյուններին։ «Երբ ես ինձ դժվարին պահերի մեջ եմ գտնում,- երգում էր նա,- Մայր Մարիամը գալիս է ինձ մոտ»։

Երբ երգը թողարկվեց, ես 12 տարեկան էի։ Այն գեղեցիկ և հուզիչ ստեղծագործություն էր։ Հիշում եմ՝ մտածում էի, որ նույնիսկ նա՝ «Բիթլզ»-ի անդամներից մեկը, և հետևաբար՝ ամբողջ խումբը, կիսում էին այն առանձնահատուկ տեղը, որ Մայր Մարիամն ունի մեր կյանքում։

Տարիներ, գուցե նույնիսկ տասնամյակներ անց, Մաքքարթնին հարցազրույցներից մեկում կիսվեց, որ երգի տողերը վերաբերում էին իր մորը՝ Մերի Մաքքարթնիին, որը մահացել էր հիվանդությունից՝ երգչի կյանքի վաղ շրջանում։ Այդ բառերով նա արտահայտում էր իր մոր հանդեպ ունեցած կարոտը։

Այս շաբաթ սկսվում է Սուրբ Մարիամ Աստվածածնի Վերափոխման տոնի նախապատրաստությունը։ Մենք բոլորս էլ կարոտ ունենք դեպի Սուրբ Մայրը։ Մենք կպատրաստվենք տոնին՝ մեր ուշադրությունը սևեռելով նրա և նրա պատմության վրա։

Այսօրվա մեկ րոպեն՝ ամառային ժամանակի համար։